Estudando a natureza

Hoxe saímos á horta para observar os cambios que se produciron dende o inicio de curso,

 medimos algunhas plantas e debuxámolas. Temos que expresar con palabras tamén o observado, pero será noutra sesión.
Na clase estudamos os cinco niveis de organización dos seres vivos, dende a célula que observamos no microscopio, aos tecidos, órganos, aparatos e sistemas e organismo. Foi máis difícil de recordar do que podía parecer. Así é que hai que reler ben a información no libro cos exemplos que nos poñías, pensar nas actividades ou volver mirar o vídeo: "La célula y los seres vivos" .

Estudamos hoxe os cinco reinos.

 Vimos animais (un paxaro morto cun abellón arredor)

, plantas e fungos (moi grandes e de dous tipos.



Logo, co vídeo,  recordamos o Reino das bacterias (organismos unicelulares que so puidemos ver no microscopio), e o Reino dos protistas (propozoos e algas). Tamén vimos moi de perto tres tipos de artrópodos: un arácnido (subíalle unha araña a Román polo lombo), dous insectos (a mantis e unha mosquiña pequecha, e un miríapodo (un cempés). Seguirán na aula varios días para estudalos de perto.