Eleccións ao Consello Escolar

Onte celebráronse as votacións para a elección dos representantes do alumnado no Consello Escolar. Foron varios os candidatos que se presentaron de 6ºB porque, certamente, destaca a súa implicación e compromiso na mellora do contorno no que viven. Pero o voto estivo moi dividido, e finalmente foron dúas alumnas de quinto as que tiveron a maioría do alumnado. Como suplente quedou a nosa compañeira Kathia. Parabéns a todos os que se presentaron, a Kathia e a todos os que participáchedes tan ben en todo o proceso.

 Voto secreto!!!

 Mesa electoral. 

Na Deputación

Hoxe visitamos a Deputación de Pontevedra nun acto oficial na que estaban tamén outras cooperativas de alumnos da nosa provincia. Os presidentes das diferentes cooperativas expuxeron, no salón de plenos e ante a presidenta da Deputación o traballo que estaban a facer. Logo a presidenta fíxolle entrega do CIF a cada unha das cooperativas.
Román e Pablo, os nosos presidentes, fixérono moi ben. Parabéns aos dous e a todo o alumnado de 6º polo seu excelente comportamento durante todo o acto.

Chegando á Deputación 

A entrada, a escaleira, os teitos ... deixáronnos abraiados:

 Tanto, que os presidentes das cooperativas tomaron asento e ... empezaron a aflorar os nervios.

 Visitamos a sala de xuntas e o despacho  da presidenta da Deputación, dona Carmela Silva.

 E chegou  a quenda das exposicións. Román fíxoo xenial. Foi un excelente representante da cooperativa, malia que empezou con moitos nervios.

Tamén, Pablo, o presidente de C.A.T. (Cooperar, Axudar, Traballar) de 6º A o fixo xenial.

 Á saída fixemos unha foto de grupo cos alumnos/as de outras cooperativas da provincia.

 E vimos como ían quedar xa os postos nos que logo poñeremos á venda os nosos produtos.

.

 Para rematar colaboramos cos alumnos do instituto na gravación dun mannequin challenge.

Moitas emocións!!!!

Así o contaron na Deputación de Pontevedra:
Aquí tendes o vídeo que publicaron na Deputación:



Novas da Deputación

Eufemismos e palabras tabú.

Hoxe falamos de eufemismos e palabras tabú. En concreto dunha das que máis dano fai e nos leva ao maltrato psicolóxico de moitas mulleres "PUTA". Si, cada vez que usamos esta palabra ou nos rimos da gracia, cando un compañeiro a usa, damos pasiños camiño de sermos tamén maltratadores. Tamén falamos doutro tipo de maltrato; o daqueles que pretenden levar un "control" das relacións, conversas, miradas, posturas, risas ... e relacións da persoa á que decimos querer. Ese tipo de control tamén é maltrato.
"E a ela parecíalle normal" ser así tratada e controlada.
Recordamos aquela historia que vimos no curso pasado e que vos deixo para recordar.

Estudo de mercado

Para preparar un bo estudo de mercado, temos que facer unha valoración previa, moi minuciosa das características e posibilidades do produto que imos propoñer para  a fabricación e a venda. Empezamos cunhas sinxelas fichas de recollida de información. Xa temos as primeiras.

Circuitos eléctricos

Por fin temos o primeiro circuito en funcionamento. Moi bo traballo, Cazafantasmas.

Logo e Estatutos

Hoxe, finalmente, tivo lugar o desempate encol do logo da nosa cooperativa. Parabéns para a súa autora Lara














Parabén tamén  para os finalistas: Román e Érika.

Tamén continuamos coa redacción dos estatutos. Despois de varias propostas e da defensa das mesmas acordouse que o capital que cada socio aportaría á cooperativa sería de 5€. Tamén se acordou que os socios podían fraccionar o pago dos mesmos segundo as súas necesidade económicas.Decidiuse, así mesmo que todos os socios recuperará o capital investido unha vez finalizada a venda dos produtos.

Por último decidiuse que as votacións se realizarán a man alzada se a unanimidade dos membros asistentes así o quere, pero que serán con voto secreto en caso contrario.

Na vindeira semana teremos que decidir que porcentaxe dos beneficios serán doado a unha ONG do Concello e que parte se empregará en financiar unha cea unha excursión.

Día Internacional contra a Violencia de xénero

Visita de Castelao

Hoxe tivemos o grandísimo privilexio de contar na aula coa visita de "Alfonso Daniel Rodríguez Castelao", interpretado polo actor Ademar Silvoso, exalumno do noso centro. Privilexio, porque conseguiu trasladarnos a todos aos anos de Castelao e sentir, vivir e experimentar moitos dos seus avatares da man das súas palabras cargadas de sentimento. Fíxonos moitas preguntas tamén e despertou en todos as ganas de saber máis, de investigar, de coñecer ... que é o primeiro paso para lograr unha aprendizaxe verdadeira.
Moitísimas grazas, Ademar, "Castelao", por acompañarnos.

Co Xuven

Hoxe estiveron no cole 10 xogadores da plantilla do Xuven e dous membros do equipo técnico. Todo un luxazo do que disfrutaron moito os alumnos. Quedamos convidados a acompañalos e animalos. Contade con nós.

Presidente da cooperativa

O pasado luns tiveron lugar as eleccións de desempate entre os dous candidatos que obtiveron maior número de votos.
Defensa de candidaturas á presidencia:

A tenor do  resultado das eleccións proclamamos como presidente da cooperativa MSC (Magariños Sociedade Cooperativa) a Francisco Román Santiago Varela, que como corresponde felicitou aos demais candidatos polas súas excelentes intervencións.

O presidente da cooperativa será o noso representante ante as institucións oficiais que temos previsto visitar a vindeira semana. Confiamos no seu bo facer.

Declaración Universal dos Dereitos do Neno; Estatutos

Hoxe lemos a Declaración Universal dos Dereitos do Neno. Celebrouse a data desa Declaración o pasado día 20 de novembro; pero a nós valeunos hoxe para introducir un tema fundamental: as normas e as leis que nos rixen e que acordamos de forma conxunta. Por iso, como cooperativa, temos tamén que redactar as nosas leis de funcionamento, o noso Estatuto. Iniciamos hoxe a redacción e xa imos polo artigo catro. Chegamos á parte crucial na que os socios han de decidir o capital que cada un ha de aportar. Mañá veremos o resultado.

Ovos

Estes días realizamos un experimento moi curioso: Puxemos un ovo nun bote de cristal cheo de vinagre, a semana pasada. Nas primeiras horas escoitamos burbulliñas e vimos que algo lle pasaba ao ovo. Hoxe sacamos o ovo. Tocámolo: Estaba blandísimo. Parecía de goma, como unha pelotiña branda. Non se lle vía casca. Tirámolo ao chan; non saltou como as pelotas, senón que rompeu. A clara estaba abrancuxada e a xema estaba perfecta. Cando tocamos ovo, comprobamos que era brando, si; pero quedounos un bo cheiro a vinagre. Lavade ben as mans!
Seguiremos investigando: Por que pasou esa reacción? Que aconteceu?. Pasa o mesmo se poñemos  o ovo en outros líquidos? Queda moito por saber; moito por investigar...

Mapa Mental Electricidade

Tamén iniciamos a primeira rolda de exposicións orais encol da electricidade e sempre coa axuda dos mapas mentais, algúns cunha calidade exquisita.

Xa temos os primeiros circuitos

Hoxe o grupo Flecha de ouro sorprendeunos cun precioso circuito preparado par compoñer o portal de Belén. Mañá terán que explicarnos como o construiron.

Magosto

A celebración do magosto neste curso foi das mellores dos últimos anos. Xa no patio novo, cuns rapaces fantásticos e un equipo docente tan implicado non podía ser doutro xeito. Así é que so queda rememorar o arrecendo a lume, castañas asadas, festa, baile, xogos, risas, merenda compartida e moi, moi bos momentos. Excelente o comportamento e o ambiente no patio con todo o alumnado xunto, con todo o profesorado tan ben organizado. Parabéns a todos. E para rematar, o momento da recollida merece unha felicitación extra pois todo quedou moi limpiño e correcto. Grazas.

Un momento do baile

 Preparandonos para coller as castañas

 Despois da merendola volvemos bailar

 Perto de 250 nenos, nenas e mestres compartindo xuntos un moi bo momento nun ambiente inmellorabl

 Un momento do asado co xefe de cociña

 Preparando o reparto

  Sin esquecer a auga

 Nós, 6ºB, ao ladiño dos nosos afillados.

  Podíase repetir!!!!

  Houbo moitos xogos.

   Canta paz!!!!

  A castañ come bolas tivo moito éxito!

Coopertativa: elección dos cargos directivos

Hoxe tivo lugar a presentación de candifaturas e a elección de dous dos cargos directivos. Confirmouse o nomeamento de Dani como tesoureiro con Sabela P. e Miguel como axudantes. Os tres fixeron gala do seu bo facer coas matemáticas.

Para o cargo de secretario foi seleccionada Kathia, que contará coa colaboración de Lara. O certo é que as catro candidatas ao posto contan no seu currículo con moitas cualidades para o cargo: boa letra, presentación limpa, beleza e dilixencia. Sabela S e Iria, delegada e subdelegada de clase respectivamente dan boa conta deste bo facer cada día na aula. Agora tamén o terán que amosar Kathia e Lara na Cooperativa.
Defensa das candidaturas para secretario/a

Noraboa aos seleccionados.

Mañá será a quenda de escoller ao presidente ou presidenta. Si nos da a mañá para todo, porque mañá tamén celebramos o magosto e temos a proba de sociais. Non nos chega o tempo a nada!!!!

Antonio Magariños no Cincuenta aniversario do colexio

Este ano celebramos o cincuenta aniversario da creación do colexio Antonio Magariños.
No día de onte, tivemos a grande honra de recibir no centro a visita de D. Antonio Magariños, neto do insigne mestre que deu nome ao noso centro.
Nesta primeira visita estivo so co equipo de profesores e contounos de primeira man como foi a creación da primeira escola en Cambados "A escola do convento", alá polo 1837 aproximadamente, despois da desamortización de Mendizábal.
Falounos da arribada a Cambados no 1899, de D. Antonio Magariños, con tan so 18 anos e un soño: transformar a escola unitaria en escola graduada. Chegou a atender a 90 alumnos (70 asistentes habituais) el soíño !!!
Cantos pasos!, canto camiño se foi andando dende aquela!
É o noso desexo que este, o seu colexio, sexa un centro do que puidese sentirse orgulloso.
Seguiremos adentrándonos na súa historia, na nosa historia.
Grazas, D. Antonio.

Xa temos nome e logotipo para a nosa cooperativa

O pasado luns celebramos unha moi intensa sesión na cooperativa na que se escolleu nome de empresa e logo corporativo.

Mais resulta que ese nome  xa pertence a unha empresa de Vigo, polo que tivo lugar outro proceso de selección e foi escollido:

MSC siglas de Magariños, Sociedade Cooperativa.

O logo seleccionado foi o de Pedro e proto poderemos presentarvolo.

Tamén, no día de hoxe foi escollido o tesoureiro da empresa. Cargo que lle corresponderá a Dani.
Algúns dos logotipos que se presentaron son estes:

Concurso de produtos artesáns

Hoxe os distintos equipos estiveron debatindo as bases para un concurso de produtos artesáns. Foron ben variadas as propostas, pero non deu tempo a valorar as aportacións de cada unha. Pero memtres tanto aí vos quedan algúns para ir comentando.