Samaín

Hoxe o cole estivo rebosante de cabazas e contos e historias de medo. As cabazas deslumbraban pola súa orixinalidade, cada ano máis sorprendentes.

 Na nosa aula escoitámoslle a Cayetana un precioso conto de medo, Drácula, que empezaba falando de amores. Curioso inicio que promete un desenlace moi interesante e que aínda non coñecemos porque o tempo do contacontos foi breve. Quedamos con ganas de concluír a historia, pero será xa na biblioteca. Grazas Cayetana.










Para rematar,  hoxe foi a última representación da obra "A bruxa Regañadentes". Despois das sesións de onte na Escola da Pastora as nosas queridas contacontos completaron a xira no colexio noutra das aulas, desta volta sen Salomé, pero con táboas de sobra, para defender con firmeza o papel asignado. Mil grazas, raparigas.

Profes en prácticas

Hoxe foi un día de despedidas. A nosa profesora en practicas, Eva, rematou esta breve etapa na nosa aula e xa a botamos en falta. A súa proximidade, creatividade, a amabilidade coa que sempre estivo a carón de cada un dos que precisaron a súa axuda ... déixannos un pouco orfos, pero quedan con nós os materiais que nos preparou e moitas das súas ideas e propostas para a mellora da aula. Comprometeuse a visitarnos en breve e esperamos que  sexa pronto.
Tamén se despediu Helena, profesora que fixo as prácticas co profe Carlos en inglés, e como moi boa profe de inglés, ao igual que Carlos, falou sempre con todos, en inglés, claro!, con palabras garimosas e cun permanente sorriso que seguirá iluminando o recordo que nos deixa.

Queridas profes, desexámosvos un moi bo e feliz curso e esperamos contar con vós nas nosas aulas.

Contacontos de medo

Hoxe as nosas actrices da aula tiveron unha sesión de contacontos cos pequerrechos de 3ºA. Leron e representaron o conto: "A bruxa Regañadentes". Mañá farán o contacontos na nosa aula. Grazas, raparigas.

Rap

Dentro de nada empezaremos a repasar o proceso dixestivo. Así é que aquí vos deixo un rap moi divertido para que vaiades vendo ... e aprendendo!

Sandías Artesás

Pois si! Este será, nin máis nin menos, o nome da nosa cooperativa este ano.
Agora temos que ir presentando os produtos e preparar o logo e o debuxo escollido.
Veremos como nos queda.
Xa sabedes: a creatividade ao poder!

Repasando divisións

Hoxe repasamos a mecánica da división. Imaxinamos unha excursión na que todo o cole podía pasar unha fin de semana fóra e calculamos canto tería que pagar cada alumno. Levou moito tempo facela ben. Así é que hai que segui practicando moito o cálculo mental de divisións. Aquí vos queda a ligazón para practicar  co ordenador. Clicade en iniciar e "a practicar"

Julio Verne e o mar de Vigo

Na saída de hoxe percorremos as distintas salas do MARCO de Vigo adicadas a Julio Verne.
Antes de entrar fixemos un xogo para centrar a atención en tres segundos despois de moita dispersión e resultou moi ben, merendamos e entramos.

Descubrimos datos fascinantes sobre a súa vida e a súa obra

Logo, no barco vimos en directo unha exploración incrible dos fondos mariños. Un día inesquecible.

.

Xa escollemos logo para a nosa cooperativa

Hoxe concluiros as eleccións de logo para a nosa cooperativa. Estes son algúns deles:

 

O logo escollido foi o diseño presentado por  Eulogio.








                    Parabéns para el e para todos os que vos esmeráchedes en presentar propostas tan bonitas.

Mañá teremos un sesión extra para buscarlle un nome

Excursión a Vigo

O día 18 de outubro imos ter unha excursión a Vigo. Iremos a unha exposición sobre Julio Verne. Será onde o ano pasado foi a de Leonardo Da Vinci. Sairemos, como de costume, en autobús. A excursión será de 9:30 ata as 14:30. Creo que será moi interesante. Espero que vaian todos os alumnos para disfrutala ao máximo e que todos aprendan, polo menos, un pouco sobre este famoso escritor.

Autor: Mateo Santos. Cambados.

Placas Tectónicas

Que son as placas tectónicas?
Como se moven as placas?
Que consecuencias ten  movemento das placas?

Escoita con moita atención:

Polis e cacos

A sesión de Educación Física de hoxe foi ben diferente.
Quedamos na clase e falamos sobre o que está pasando no patio, dos xogos, das normas, das trampas...

Cabe ante todo felicitar todos os nenos e nenas que foron sinceros e foron quen de recoñecer cando facían trampas e de darse conta das consecuencias que estas accións teñen na boa marcha do xogo e das relacións entre compañeiros. Cando menos a sesión valeu para decatarnos da importancia de ter unhas normas de xogo claras, que todos os que xogan deben coñecelas e tamén da importancia de respectalas.

Por suposto que todos poden acordar cambiar as normas e mesmo poden inventarse xogos novos e novas normas. Pero os que participan no xogo, en calquera, han de coñecelas e respectalas sempre.
Despois de falar, reflexionar e consensuar o que todos queremos tentamos recollelo por escrito:

Podedes darlle unha ollada a algún desstes xogos para inspirarvos. A claridade é fundamental:

Normas dos xogos

Normas de polis e cacos e variantes        Polis e contrabandistas

Polis y cacos e outros xogos

Máis ideas para un recreo diferente

Máis xogos: as normas claras

Aprendendo máis sobre diferentes culturas

Brais hoxe trouxo da casa unha impresionante embarcación romana e explicounos as súas partes,as características máis salientables, a súa función e unha morea de curiosidades interesantes. Tamén espertou a nosa curiosidade sobre a cultura exipcia, o mundo das pirámides, do máis alá, das constelacións ... Por último falounos do accidente  do Columbia. Pero quedamos coas ganas de saber moitas máis cousas interesantes porque o tempo se nos foi voando.
Moitas grazas, Brais, por seguir investigando e especialmente, por espertar as nosas ganas de saber.