Felices Vacacións

Deséxovos a todos unhas felices vacacións e que disfrutedes dun moi merecido descanso.

Recórdovos que o mércores, día 28, ás doce da mañá debedes pasar polo centro para recoller os vosos historiais académicos.

Feliz descanso.

Mañá... recollida

Recordade que mañá temos que recoller os últimos produtos da horta.
Vinde con roupa e calzado axeitados.

Reciclaxe

E para irnos do centro co compromiso permanente na defensa e mellora do Medio Ambiente, hoxe estivo con nós Eloy para falarnos de como facer para mellorar os nosos  hábitos de cada día na separación do lixo e na reutilización, así como de todo o que podemos lograr grazas á RECICLAXE.
Grazas, Eloy. Ímolo ter ben presente.

Entrega dos donativos ás ONG

Onte, estivo no centro Olga Costa, (acompañada de Ani e outra cadeliña), responsable do Refuxio de animais de Cambados. Falounos do traballo que están a facer cos animais no Refuxio e na súa loita pola defensa da vida e do dereitoá vida de todos os animais; tamén daqueles que teñen algunha eiva. Esa defensa é o que identifica ao Refuxio e o diferenza dunha Canceira na que acaban sacrificando aos canciños por problemas de espazo en ocasións. Eran moitas as preguntas e pouco o tempo. Pero si que foi un orgullo moi grande para todos os socios entregar o donativo dos 45€ a unha entidade que tanto loita na defensa dos animais e da vida.

Hoxe estivo con nós Lolita Trigo en representación de Cáritas Parroquial. Eles foron os destinatarios dos outros 45€ de donativo que  lle entregou noso presidente, Román. Lolita falounos da labor de Cáritas na parroquia, da atención aos transeúntes, da dignidade e respecto que merece toda persoa. Tamén nos falou de Cáritas Parroquial e do comedor social que lle da almorzo, xantar e cea diariamente a perto de 60 persoas. Xustamente ao comedor interparroquial irán os 45 € pois acaban de recibir unha solicitude de axuda urxente para repoñer aceite, azucre, café, leite, galletas ... e outros alimentos de primeira necesidade.
Foi unha gran alegría poder contribuir a mellorar o día a día de quen máis o necesita.

Grazas a todos, rapaces.

De recollida na horta

E chegou por fin o día de recoller os froitos.
Así é que hoxe cada neno levou unha leituga, un calabacín, ou unhas acelgas, segundo as preferencias de cada un.Agora toca disfrutalo sabendoque son totalmente ecolóxicos.

Escola das Familias; será o luns

A reunión prevista para hoxe da "Escola das Familias" aprázase para o vindeiro luns.

Visita ao instituto

Punto departida para unha nova etapa.
 Espérannos unhas instalacións incribles: pavillón, laboratorios, aula de arte, caferetía ... e un profesorado moi acolledor.
Agora queda rematar o curso  para estarmos ben preparados. É un gran salto.

Visita a Lugo

Visita monumental a unha cidade preciosana que vivimos experiencias moi bonitas que vos iremos desgranando aos poucos.

Exposicións

O grupo Cazafantasmas presentou onte o seu traballo sobre o SIDA. Fixérono realmente ben. O traballo estaba moi coidado e a información era breve, pero precisa.

Hoxe, Pedro presentou un excelente power point sobre o Acoso escolar. As imaxe seleccionadas foron moi interesantes e a información estaba moi clariña e era fácil de entender. Grazas, Pedro, polo teu esforzo e por adicarnos o teu tempo.

Falando dos avós

Hoxe Sabela ensinounos un sombreiro que o seu avó trouxera de México cando, fai moitos anos, tivera que irse a aquelas terras. Tamén nos contou como era a escola no tempo da súa avoa e trouxo un velo. Daquela as mulleres tiñan que levar velo cubrindo a cabeza cando entraban na igrexa. Díxonos que nas escolas lle daban leite en po e pola tarde, pan con manteiga. Eran anos moi duros e houbera moita fame.
Raúl contounos o mérito que tivo o seu avó, pois aprendeu a ler, escribir, as contas e a falar noutro idioma el soíño.
O avó de Sabela P. navegou en barcos moi grandes polo norte de Europa. Nun deles había 31 cociñeiros.
As historias dos nosos avós constrúen a historia. Escoitádeos sempre.

Experimentos

Ao longo desta semana empezamos a disfrutar xa dos primeiros experimentos que nos presentaron os nosos compañeiros do grupo "Porquiños" e tamén dos que prepararon Iria e Marycielo. Grazas por permitirnos disfrutar da ciencia en directo. Estamos impacientes por descubrir novas e sorprendentes experiencias.

Expertos

Hoxe, na horta, foron varios os nenos os que decidiron deixar o seu tempo libre do recreo para supervisar o crecemento das plantas, regar, cavar e atar os tomates ... como expertos.
Non hai máis que velos:

Recollemos chícharos

Hoxe, por fin, recollemos chícharos na horta, puidemos saborealos e compartilos co profesorado do centro. Estaban deliciosos.
Tamén tivemos que reparar o composteiro, que sofrira un percance..., Arrincamos herbas do ceboliño, cavamos os pementos, atamos os tomates e regamos todas as plantas. Moito traballo, pero mereceu a pena o esforzo.

Hoxe no mercado en Pontevedra

Coa actividade de hoxe no acto de clausura da Deputación de Pontevedra puxemos o punto final ao traballo realizado ao longo do ano. Agora queda facer a recollida e o balance, devolver a inversión realizada polos socios e realizar as aportacións acordadas nos estatutos ás dúas ONG coas que imos colaboras. E como non, disfrutar das ganancias nunha fantastica festa final.

Charla sobre "Acoso escolar"

Hoxe dous representante do corpo da Garda Civil déronnos unha charla sobre o Acoso escolar e aclararon moitas dúbidas dos rapaces e rapazas ao respecto; oitas relacionadas sobre todo con situacións que podemos confundir con acoso e non o son. O Acoso é algo moi grave que debemos recoñecer e evitar por todos os medios. Agora sabemos máis sobre como recoñecelo,  como evitalo,  como denuncialo ... Sabemos que  o noso papel como expectadores é clave e determinará se apoiamos ao agresor ou se defendemos á víctima. Sabemos que seremos mellores cando aprendamos a poñernos na pel do outro, do que sofre ... ; seremos mellores cando non fagamos sofrir aos que están ao noso arredor.

Teatro e Música no Auditorio

Unha boa parte dos rapaces de 6ºB participaron na posta en escea da obra titulada "O peor inimigo", unha adaptación dun conto de Jorge Bucay, que levaban tempo preparando co grupo de teatro do colexio. Fixéreno todos moi ben. Logo puideron disfrutar da peza que representaron os alumnos do IES Asorey "As laranxas máis laranxas de todas as laranxas" de Carlos Casares. Concluiu o acto co "Coro das emocións". Os compañeiros de cuarto fixeron unha interpretación excelente de dúas cancións brasileiras. Estiveron acompañados de Marco Lucato e a nosa querida profesora Lucía. Parabéns para todos.

Con esta actuación damos por rematada a actividade extraescolar de teatro no centro. Así se despide a nosa compañeira Iria:

No mercado

Por fin chegou o tan ansiado día de poñer á venda os produtos fabricados na cooperativa.

Empezamos preparando os postos

Cambiamos de quendas cada media hora:

Viñeron visitarnos os nenos do cole cos profes:

Tivemos moitos clientes:

 Por supostos, pagamos as tasas correspondentes de venda e de limpeza.

Atendemos á prensa  e aos médios de comunicación. Pedíronos unha chea de entrevistas.

 Visitounos a alcaldesa e o concelleiro de economía do Concello de Cambados.

 Fixemos moita publicidade con carteis e cancións.

 Rexistramos minuciosamente cada unha das ventas.

A experiencia foi moi enriquecedora para todos.

Na sesión extraordinaria da asamblea de socios da cooperativa celebrada o luns acordárase facer un reparto das ganancias de xeito que se doase o 25% das mesmas para o Refuxio de animales de Cambados. outro 25% para Cáritas e logo co 50% restante fariamos unha merecida festa de fin de curso moi especial.

O balance do do día de hoxe foi moi positivo, dado que se venderon practicamente todos os produtos. O posto quedou case baleiro cando chegaron os responsable da última quenda.

Con todo,  aínda non está pechado o proceso dado que xa se están fabricando aínda produtos para o mercado da vindeira semana en Pontevedra. Todo un reto!

A prensa escrita fíxose eco da noticia que apareceu publicada en varios medios:

No  Diario de Arousa

En La Voz de Galicia

Preparándonos para o mercado

Primeiras prácticas de venda no colexio cos compañeiros de cuarto

O venres continuamos cos trámites para realizar a venda dos produtos da nosa cooperativa o vindeiro mércores, día 24.
Ao longo da semana estivemos tamén preparando a cartelería para poñer no día da venda.
Aínda quedan os retoques finais,pero xa vai collendo forma.

Últimas etiquetas

Preparando as bolsiñas.

Bolsiñas co noso logo corporativo.

Catálogo de produtos

 Licenza Municipal

Departamentos

Pintando o patio

O venres pola tarde foi unha xornada realmente especial, na que profesores, nais, pais e alumnos traballamos xuntos para pintar o patio dos pequenos. Foi incrible a colaboración, sintonía, coordinación e traballo conxuntos de grandes e pequenos. E máis incrible aínda foi o resultado.
A nosa clase estivo representada por Sabela S., a nosa delegada, Mariña, Jose e Sabela P. Moitísimas grazas a todos.