A profe Mirian demostrounos hoxe como conseguir un Globo inflado cunha reacción química moi interesante e que xa todos probáchedes no curso pasado preparando as erupcións dos volcáns. Nesta ocasión a profe Miriam explicouvos que a unión dunha base (bicarbonato sódico) e dun ácido (vinagre) xenera dióxido de carbono, un gas co que se acaba inflando o globo. É ben interesante comprobalo en directo. Grazas, profe. Reacción química un ácido (vinagre ou ácido acético) +unha base (bicarbonato sódico) → sal (acetato de sodio) + agua +dióxido de carbono.
Hoxe estivo na nosa aula Salomé, unha alumna de 4º que nos leu un anaquiño do libro "Contos de Nadal" da colección "Catro amigos e medio". Leuno tan ben que, de seguro, moitos imos querer facernos co libro para ver como remata a historia que nos contou. Noraboa Salomé. E grazas pola túa implicación.
Así se viviron, en primeira persoa, as pasadas eleccións a presidente da cooperativa:
(Os textos escritos polo alumnado estarán sempre en azul)
Hoxe,día 18 de novembro do 2.016,os nenos e nenas de 6.B
estiveron organizando unhas eleccións.Estas eleccións consisten no seguinte: os nenos
fixeron unha especie de organización para vender cousas que eles mesmos
fabriquen e recaudar diñeiro; o que discutían,era ver quen era o presidente desa
empresa.Para esas eleccións presentáronse Laura,Román,Érika,Cristian e
Brais.
O presidente desa empresa tiña que cumplir uns requisitos imprescindibles:ser
responsable,falar ben diante do público,...Estas eleccións xa se realizaran
antes,deixando a Cristian como presidente,pero hoxe,repetíronse.Tras as novas
eleccións,Cristian e Román empataron.O desempate será o vindeiro luns.
Autora: Aitana.
Hoxe
na clase de 6ºB houbo eleccións para presidente da M. S. C. (Magariños Sociedade Cooperativa). Xa van dúas! Os rapaces estaban
tolos por saber quen ía a gañar. Cando chegou o momento indicado
para a defensa da candidatura, por pouco cáiome da silla! Estaba
flipadamente, flipando co ben que as presentaron! Ao final, chegou o
momento máis desexado... O DE VOTAR! Eu votei por... Espera! É un
segredo! ☺!
Prentáronse cinco rapaces polos que se estivo agardando para poder
votar! Porque tiñan que defender as súas candidaturas! Pero antes
de todo iso (que foi o máis divertido! ☺!
), estivemos falando das eleccións. Cando foi o momento de dicir
quen gañara, todos estaban calados. E o gañador foi... Uih! Empate
entre Cristian e Román! Todos estaban disgustados polo resultado,
especialmente porque querían saber cal sería o seu novo presidente.
Na
miña opinión está ben que se fagan estas eleccións, porque así
os nenos aprenden a falar ben, a saber escoller o mellor presidente
non por amizade, senon por experiencia e habilidade. Tamén aprenden
a asumir derrota e felicitar ao gañador. Pero, sobre todo, aprenden
a ser máis e máis amigos aínda do que xa son e somos, formando
unha empresa de soños engaiolados!
Para celebrar a festa da Constitución participamos, con todo o colexio na lectura de diversos artigos sobre a nosa Carta Magna. Participamos tamén na arriada das bandeiras de Galicia e de España no final do día.
Como a aula de 6ºB está adicada a CASTELAO recordamos a súa vinculación con aquel primeiro Estatuto de Autonomía de Galicia que fora aprobado en plebiscito polo 99,24% dos galegos alá polo ano 1936, un 28 de xuño, e no que a participación fora altísima para aquela época (máis do 74% do censo). O Estatuto foille presentado ao presidente o 15 de xullo de 1936, máis o inicio da Guerra Civil uns días despois non fixo posible que se aprobase nas Cortes.
Así é que, agora celebramos que no ano 1981, aquel lonxano soño de Castelao e de tantos galegos, poidese ser unha realidade.
Estudamos as tres propiedades fundamentais dos imáns seguindo a explicación dun "mestre" novo na aula.
Para os que queirades repasar e aprendelo ben para que non vos esqueza déixovos aquí o vídeo de repaso:
O uso sen control das novas tecnoloxías pode dar lugar a problemas serios. É importante coñecer como debemos actuar e que non debemos facer. Un vídeo elaborado por Miriam, a nosa mestra en prácticas e as súas compañeiras da Universidade de Lugo, serviunos para recordar os aspectos fundamentais dos que xa nos informara a Garda Civil no curso pasado e no que tamén insistiron as psicólogas do SPAD de Vilagarcía.
Se queredes volver consultalo cos vosos pais tendes aquí a ligazón:
Hoxe tres grupos máis amosaron as súas montaxes cos circuitos electricos e explicáronos o proceso de elaboración. Todos moi ben feitos e ... funcionan! Malia que un temos xa que reparalo.
Onte celebráronse as votacións para a elección dos representantes do alumnado no Consello Escolar. Foron varios os candidatos que se presentaron de 6ºB porque, certamente, destaca a súa implicación e compromiso na mellora do contorno no que viven. Pero o voto estivo moi dividido, e finalmente foron dúas alumnas de quinto as que tiveron a maioría do alumnado. Como suplente quedou a nosa compañeira Kathia. Parabéns a todos os que se presentaron, a Kathia e a todos os que participáchedes tan ben en todo o proceso.
Hoxe visitamos a Deputación de Pontevedra nun acto oficial na que estaban tamén outras cooperativas de alumnos da nosa provincia. Os presidentes das diferentes cooperativas expuxeron, no salón de plenos e ante a presidenta da Deputación o traballo que estaban a facer. Logo a presidenta fíxolle entrega do CIF a cada unha das cooperativas.
Román e Pablo, os nosos presidentes, fixérono moi ben. Parabéns aos dous e a todo o alumnado de 6º polo seu excelente comportamento durante todo o acto.
Chegando á Deputación
A entrada, a escaleira, os teitos ... deixáronnos abraiados:
Tanto, que os presidentes das cooperativas tomaron asento e ... empezaron a aflorar os nervios.
Visitamos a sala de xuntas e o despacho da presidenta da Deputación, dona Carmela Silva.
E chegou a quenda das exposicións. Román fíxoo xenial. Foi un excelente representante da cooperativa, malia que empezou con moitos nervios.
Tamén, Pablo, o presidente de C.A.T. (Cooperar, Axudar, Traballar) de 6º A o fixo xenial.
Á saída fixemos unha foto de grupo cos alumnos/as de outras cooperativas da provincia.
E vimos como ían quedar xa os postos nos que logo poñeremos á venda os nosos produtos.
.
Para rematar colaboramos cos alumnos do instituto na gravación dun mannequin challenge.
Moitas emocións!!!!
Así o contaron na Deputación de Pontevedra:
Aquí tendes o vídeo que publicaron na Deputación:
Hoxe falamos de eufemismos e palabras tabú. En concreto dunha das que máis dano fai e nos leva ao maltrato psicolóxico de moitas mulleres "PUTA". Si, cada vez que usamos esta palabra ou nos rimos da gracia, cando un compañeiro a usa, damos pasiños camiño de sermos tamén maltratadores. Tamén falamos doutro tipo de maltrato; o daqueles que pretenden levar un "control" das relacións, conversas, miradas, posturas, risas ... e relacións da persoa á que decimos querer. Ese tipo de control tamén é maltrato.
"E a ela parecíalle normal" ser así tratada e controlada.
Recordamos aquela historia que vimos no curso pasado e que vos deixo para recordar.
Para preparar un bo estudo de mercado, temos que facer unha valoración previa, moi minuciosa das características e posibilidades do produto que imos propoñer para a fabricación e a venda. Empezamos cunhas sinxelas fichas de recollida de información. Xa temos as primeiras.
Hoxe, finalmente, tivo lugar o desempate encol do logo da nosa cooperativa. Parabéns para a súa autora Lara
Parabén tamén para os finalistas: Román e Érika.
Tamén continuamos coa redacción dos estatutos. Despois de varias propostas e da defensa das mesmas acordouse que o capital que cada socio aportaría á cooperativa sería de 5€. Tamén se acordou que os socios podían fraccionar o pago dos mesmos segundo as súas necesidade económicas.Decidiuse, así mesmo que todos os socios recuperará o capital investido unha vez finalizada a venda dos produtos.
Por último decidiuse que as votacións se realizarán a man alzada se a unanimidade dos membros asistentes así o quere, pero que serán con voto secreto en caso contrario.
Na vindeira semana teremos que decidir que porcentaxe dos beneficios serán doado a unha ONG do Concello e que parte se empregará en financiar unha cea unha excursión.
Hoxe tivemos o grandísimo privilexio de contar na aula coa visita de "Alfonso Daniel Rodríguez Castelao", interpretado polo actor Ademar Silvoso, exalumno do noso centro. Privilexio, porque conseguiu trasladarnos a todos aos anos de Castelao e sentir, vivir e experimentar moitos dos seus avatares da man das súas palabras cargadas de sentimento. Fíxonos moitas preguntas tamén e despertou en todos as ganas de saber máis, de investigar, de coñecer ... que é o primeiro paso para lograr unha aprendizaxe verdadeira.
Moitísimas grazas, Ademar, "Castelao", por acompañarnos.
Hoxe estiveron no cole 10 xogadores da plantilla do Xuven e dous membros do equipo técnico. Todo un luxazo do que disfrutaron moito os alumnos. Quedamos convidados a acompañalos e animalos. Contade con nós.
O pasado luns tiveron lugar as eleccións de desempate entre os dous candidatos que obtiveron maior número de votos.
Defensa de candidaturas á presidencia:
A tenor do resultado das eleccións proclamamos como presidente da cooperativa MSC (Magariños Sociedade Cooperativa) a Francisco Román Santiago Varela, que como corresponde felicitou aos demais candidatos polas súas excelentes intervencións.
O presidente da cooperativa será o noso representante ante as institucións oficiais que temos previsto visitar a vindeira semana. Confiamos no seu bo facer.
Hoxe lemos a Declaración Universal dos Dereitos do Neno. Celebrouse a data desa Declaración o pasado día 20 de novembro; pero a nós valeunos hoxe para introducir un tema fundamental: as normas e as leis que nos rixen e que acordamos de forma conxunta. Por iso, como cooperativa, temos tamén que redactar as nosas leis de funcionamento, o noso Estatuto. Iniciamos hoxe a redacción e xa imos polo artigo catro. Chegamos á parte crucial na que os socios han de decidir o capital que cada un ha de aportar. Mañá veremos o resultado.
Estes días realizamos un experimento moi curioso: Puxemos un ovo nun bote de cristal cheo de vinagre, a semana pasada. Nas primeiras horas escoitamos burbulliñas e vimos que algo lle pasaba ao ovo. Hoxe sacamos o ovo. Tocámolo: Estaba blandísimo. Parecía de goma, como unha pelotiña branda. Non se lle vía casca. Tirámolo ao chan; non saltou como as pelotas, senón que rompeu. A clara estaba abrancuxada e a xema estaba perfecta. Cando tocamos ovo, comprobamos que era brando, si; pero quedounos un bo cheiro a vinagre. Lavade ben as mans!
Seguiremos investigando: Por que pasou esa reacción? Que aconteceu?. Pasa o mesmo se poñemos o ovo en outros líquidos? Queda moito por saber; moito por investigar...
Hoxe o grupo Flecha de ouro sorprendeunos cun precioso circuito preparado par compoñer o portal de Belén. Mañá terán que explicarnos como o construiron.
A celebración do magosto neste curso foi das mellores dos últimos anos. Xa no patio novo, cuns rapaces fantásticos e un equipo docente tan implicado non podía ser doutro xeito. Así é que so queda rememorar o arrecendo a lume, castañas asadas, festa, baile, xogos, risas, merenda compartida e moi, moi bos momentos. Excelente o comportamento e o ambiente no patio con todo o alumnado xunto, con todo o profesorado tan ben organizado. Parabéns a todos. E para rematar, o momento da recollida merece unha felicitación extra pois todo quedou moi limpiño e correcto. Grazas.
Preparandonos para coller as castañas
