Visita ao Parlamento de Galicia

Hoxe fixemos unha visita ao Parlamento de Galicia.
Estivemos sentados nos escanos das súas señorías,os deputados e tamén os conselleiros.Tivemos unha pequena comisión para propoñer leis e fixemos un pequeno debate encol das mesmas, estivemos na sala de prensa e respondemos ás preguntas dos "xornalistas"; admiramos as pinturas, esculturas, vidrieiras, salas, biblioteca e demais estancias desta institución na que se deciden e aproban as leis polas que nos reximos. Aprendemos moito e vivimos un anaquiño do traballo que fan para nós os nosos representantes no Parlamento.
Na Sala das Letras Galegas atopamos ao pai da nosa compañeira Aitana que nos veu saúdar.
En Santiago fixemos un moi pequeno percorrido polo casco vello e xantamos na Alameda; alí encontramos a Andrea, a iirmá de Sabela. Mágoa do reloxo que non fixo andar moi á presa. O certo é que nos quedaron ganas de máis.
Pero ademais, para moitos alumnos tivo un valor especial a viaxe en si mesma, xa que era a primeira vez que subían a un tren. Dende os vagóns disfrutamos das fermosas paisaxes da Ría de Arousa; paisaxes que se viron enturbiadas no regreso por un penoso incencio que ensombreceu o ceo e as nosas ilusións.

Agradecémoslle a visita ao Parlamento de Galicia e tamén o detalle que tivo ao agasallarnos cun fermoso libro de Fina Casalderrey no  que relata tamén a visita doutros nenos a esta institución e que sempre nos lembrará a nosa viaxe.

Plantamos, mondamos, regamos

Hoxe plantamos ceboliño, leitugas da variedade "Folla de roble", acelgas e xudías. Pero cunha pequena variación ao respecto da plantación anterior: Hoxe botámoslle á terra esterco de coello que, xenerosamente, nos trouxo a profe Paula.
Por suposto, tamén houbo que regar as plantas anteriores, que medran moi ben, arrincamos as herbas dos chícharos e das patacas e recollemos amorodos.
Mañá toca saborealos.

Creación de etiquetas.

Hoxe tivemos un taller ben interesante e creativo.
Estivemos diseñando etquetas para os produtos que temos elaborado.
Había ideas moi variadas, bonitas e interesantes.
Agora queda, escoller varios diseños e poñer en marcha o taller de confección das mesmas. Será na vindeira semana.

Reciclaxe

Retomamos as exposicións de reciclaxe.
Hoxe tocoulles ao grupo "Porquiños" e merecen unha boa felicitación porque o fixeron realmente ben, amosándonos moitas cousas que non sabiamos. Parabéns, equipo!

Volume e capacidade

Estaba a resultar complicado o de entender que nun dm cúbico nos puidesen caber dous botellíns de auga de medio litro.
Claramente había que demostralo.
E así foi: 1 decímetro cúbico é igual a 1 litro.

Na horta... cánto traballo!

Onte na horta traballamos arreo. Houbo que arrincar as malas herbas dos amorodos, cavar os repolos e mondar os chícharos. Pero tamén houbo que preparár os tallos para plantar as leitugas e logo pelar e levabtar e terra co legón para poñer os pementos, os tomates, calabacíns e dúas plantiñas de perexil.
Raúl e Eloy teñen moito xeito traballando co legón. Jose e Mariña foron os responsables de sachar os repolos. Aitana, Kathia e Maricielo arrincaronlle herbas aos amorodos. Dani, Román ... trouxeron auga e regaron as plantas. Pedro, Raúl, Mariña ... tamén se ocuparon de plantar. Acabamos agotados, pero moi satisfeitos do traballo realizado.

A recompensa foi especial, pois recollemos os primeiros amorodos, pequerrechos, pero cun sabor moi intenso. Estaban realmente deliciosos.

Vacacións

Moi boas vacacións e feliz descanso a todos.

Felices Pascuas tamén para os nosos afillados. Seguro que lles gustaron moito as cartas que lle escribíchedes! Case tanto como os pasteis de chocolate e a rosca.

La Brújula

Hoxe visitamos a fábrica de conservas "La Brújula". Alí puidemos observar todo o proceso de fabricación das conservas de peixe e marisco; de sardiñas, no caso de hoxe.
Tamén nos falaron dos distintos departamentos dos que consta a empresa: administración, loxística, I+D+i, publicidade, vendas, fabricación, limpeza e informática.
Explicáronos a importancia de apreciar os nosos produtos, e de coidar con mimo o noso mar, do que dependen, non so a vida dos peixes e mariscos, senón tamén o traballo de moitas das nosas familias.
Para visitar a fábrica tivemos que poñernos gorros, calzas e batas, pois as medidas de hixiene son moi estritas.
Tivemos unha videoconferencia coa central de Madrid en directo. Visitamos a sala de xuntas e alí fomos recibidos polo seu director.
Logo percorremos cada unha das dependencias da fábrica seguindo o mesmo itinerario que siguen os produtos dende o momento que entran na mesma ata que son almacenados e supervisados lote a lote no laboratorio.
Foron moitas as máquinas que nos sorprenderon, pois é unha fábrica artesanal na que as traballadoras preparan os produtos con moito mimo e sabiduría, pero tamén moi moderna e bonita.
Ao rematar a visita fomos agasallados cun bocadillo, un botellín de auga e unha lata de sardiñas. Os bocadillos estaban moi ricos.
Moitas grazas a todo o grupo de responsables que tan amablemente nos atenderon.

De novo na horta

Onte puidemos volver novamente á nosa horta.
Observamos o que nos medraran os repolos, que xa naceran os chícharos e que os amorodos xa tiñan froito. Pero tamén medraran as herbas e tivemos que cavar co legón para quitalas. As dos amorodos e os chícharos queitámolas arrincándoas coas man (mondándoas).
As plantas semellabas algo secas con tanto calor polo que trouxemos auga e ragámolas.
Finalmente puxemos dúas filas de patacas e sementamos unha nova variedade de chícharos (Senior- Cambados).
Como moitas das follas dos repolos estaban peteiradas dos paxaros, acordamos facer un espantallo para evitar que no las coman.

Fran Alonso no colexio

Fran Alonso estivo o venres no colexio e contaxioude música, maxia, palabras e silencios o Salón de Actos do centro, pois así é como el constrúe a poesía e como nos ensinou a sentila, vivila, soñala ...

Grazas, Fran, por ensinarnos os teus segredos de artista. Na clase temos xa varios nenos e nenas seguindo os teus pasos.