Mila e os atrapasoños

Mila, a nai do noso compañeiro Martiño, ensinounos na clase de hoxe a facer uns preciosos atrapasoños para a cooperativa. Ademais donoulle á cooperativa o material necesario para realizalos. Quedaron tan bonitos que todos querían levalos xa para as súas casas! Mil grazas Mila e mil soños preciosos para ti.

Recollida do CIF da cooperativa na Deputación

Hoxe, a presidenta da Deputación, Carmela Silva, Fixonos entrega do CIF da nosa cooperativa despois de escoitar a exposición que presentou Salomé sobre o traballo que estabamos a realizar. Salomé fixo unha presentación incrible, amena, directa, mirando ao público, con seguridade e dominio. Todo un orgullo. Tamén é de loubar o estupendo comportamento de todo o alumnado tanto na viaxe como durante o acto ou no momento de descanso nun dos parques de Pontevedra. Foi unha maña para gardar no recordo! Noraboa, Salomé, noraboa, rapaces.

Igualdade

Ao longo deste mes de febreiro o Concello de Cambados acolle unha exposición moi chamativa para reivindicar o dereito á igualdade da muller. Hoxe vimos os paneis, comentámolos e fomos valorando o que cada un deles pretendía transmitirnos dun xeito ben curioso e sorprendente, pois as protagonistas de todos eles eran as monecas Barbie e a mensaxe de ruptura con ideas que aínda siguen moi arraigadas e que relegan á muler á casa e a unha situación para nada igualitaria co home. Queda moito por andar!!!
En tanto voltamos á clase porque tocaba felicitar a todo o alumnado por un excelente comportamento. Parabéns, rapaces e rapazas de 6º!

Conmemoración do Día de Rosalía de Castro

Hoxe desprazámonos á Avda Rosalía de Castro, debaixo do arco da praza de Fefiñáns para escoitar varias pezas musicais e as intervencións dos nenos e adultos que nos amosaron as súas creacións en relación a Rosalía de Castro.

Tamén escoitamos a Xan Galbán, o chef do restaurante María Castaña de Santiago que nos situou no tempo de Rosalía e nos leu o poema "Caldo de gloria", para, deseguido, agasallarnos cun delicioso caldo que todos puidemos degustar.

Moitas grazas polo convite, as actuacións e o caldiño nun día tan especial.
Recordaremos un pouquiño máis o aprendido estes días na clase de Historia do século XIX; o tempo do Rexurdimento, o ano da morte de Rosalía que é tamén  o ano da morte de Afonso XII,  a chegada do tren de vapor a Vilagarcía, a situación das nosas xentes, especialmente das máis pobres ...

Exposicións orais

Despois dunha longa parada, reiniciamos as exposicións oraiss dos equipos que aínda tiñan pendente amosarnos o seu traballo. Hoxe correspondeulles ao equipo Corvos falarnos das algas e os protozoos e deixaron unha boa pegada co apartado de curiosidades, ademáis de traernos a clase varios tipos de algas. Grazas.

Despois dos Corvos seguiron os demais grupos.

Así quedaron os murais:

Preparando o disfrace e as coplas

Despois de termos preparado as coplas de Entroido queda preparar os disfraces.

Recordade que tendes que traer polo negro e camiseta negra para preparar os disfraces os que escollestes ir de soldados.

O carteiro no San Valentín

Hoxe contamos cun protagonista moi especial: o carteiro que sempre vén ao cole repartir o correo reparteunos tamén as cartas do San Valentín. Non quedou ninguén sen a súa misiva, e algún que outro tivo máis de unha carta. Noraboa a todos por implicarvos, participar e crear cartas e sobres tan bonitos (mesmo cos selos!)

Cetrería

O patio do centro foi hoxe escenario privilexiado dunha exhibición de aves de cetrería de gran beleza (unha delas, o recibiu fai pouco o galardón á máis bonita da península ibérica), envergadura (nada menos que cun aguia real) e velecidade ( o falcón peregrino. Pero ademais tivemos a posibilidade de ver de preto e mesmo tocar a un lobo criado e domesticado dende pequeniño por Evaristo e Moncha, os responsables do coidado e cría destas preciosas criaturas. Eles ensináronnos as súas características, as súas necesidades e as condicións que require o seu coidado minucioso. Faláronnos tamén da súa importancia para manter o equilibrio da cadea trófica ou para eliminar a pragas dañinas para o ser humano. Grazas Evaristo, grazas, Moncha.