Concerto didáctico no Auditorio

Hoxe estivemos no Auditorio de Cambados e puidemos escoitar á Banda de Música Xuvenil e a varios solistas que, en tanto nos presentaban os seus instrumentos musicais, participaban nun peculiar concurso "Ti si que tocas" cun máis que curioso xurado: E...durme, Mónica Limoeiro, Ristro de Allos e David Ja Ja. Resultou moi educativo á par que simpático, malia non compartir o criterio dalgún membro do xurado. Claramente a nós gustounos especialmente o grupo de percusión no que participaba o noso compañeiro "Mateo". Non se trata de favoritismos: fixérono realmente ben. Noraboa, rapaces.